Nakaraang Pag- ibig

Nang ikaw ay dumating sa aking buhay

Malungkot kong buhay; binigyan mo ng kulay

Mga luha ko'y iyong pinunasan

Tunay na saya; sayo ko naramdaman

Tuwing ikaw ay kasama; ako'y masaya

Sa malungkot na buhay ; ako'y lumaya

Pagkat pina-ngiti ang malungkot na labi

Hiling ko sana; ika'y laging nasa tabi

Nang bumalik ang nakaraan mong pag-ibig

Aking tinig sana'y iyong madinig

Pagkat ngayon ko lang ito nalaman

Ang hiwagang bumalot sa aking damdamin

Isang araw, iyong  naipagtapat

Ang damdamin mong, di alam ng lahat

Ngunit aking tinanggihan ; dahil di dapat

Pagkat mahal ka nang kaibigan kong tapat

'Di ko nais na siya ay pagtaksilan

Pinagpalit ko sarili kong kasiyahan

Pagkat siya ay importante sa aking buhay

Dahil siya ay aking kaibigang tunay

Paano kung ikaw ang aking pinili ?

Mamahalin mo ba ako lalo kung sakali ?

Pero ang kaibigan ko naman ang mawawala ?

Kung gagawin ko iyon ako ay magkakasala

Kaya di ko pinagsisihan aking desisyon

Dahil tingin ko ay dapat lang iyon

Pagkat alam ko na siya ang mahal mo

Napatunayan ko na iya'y totoo

Kailangan na kitang limutin ng tuluyan

Dahil sarili ko'y aking pinahihirapan

Ngayon 'ni makita ka , di ko na ibig

Dahil isa ka nang nakaraan pag- ibig